Սյունիքի նախկին մարզպետ Սուրեն Խաչատրյանը՝ Լիսկան, չի բացառում, որ կառաջադրվի Սյունիքի մարզի թիվ 38 ընտրատարածքում՝ որպես պատգամավորության թեկնածու: Hayeli.am-ի հետ զրույցում հայտնի դեպքերի պատճառով պաշտոնազրկված մարզպետը, համենայն, դեպս չհերքեց առաջադրվելու մտադրությունների մասին խոսակցությունները:«Դե կտեսնեք, էլի, որ առաջադրվելու լինեմ՝ կտեսնեք, որ չառաջադրվելու լինեմ, էլի կտեսնեք, խի՞ ես վռազում»,- մեզ հետ զրույցում նշեց Սուրեն Խաչատրյանը: Արդեն երկու օր է լրատվամիջոցների տեղեկություններով 38 ընտրատարածքի թեկնածուի շուրջ կրքեր են բորբոքված, և Լիսկան փորձում է ամեն ինչ անել, որ անցնի իր թեկնածուն ՝ «Դավիթբեկյան Ուխտեր» ԵՀԿ խորհրդի նախագահ Ռուդոլֆ Սարգսյանը: Սյունիքի նախկին մարզպետը նույն տեղեկություններով իր դիրքը պահելու վերջին ճիգերն է գործադրում: Բանից պարզվում է՝ Լիսկան դեռ հույսեր ունի, որ Սերժ Սարգսյանը իրեն նոր հնարավորություն կտա եւ ինքը կառաջադրվի : Թերեւս այս հանգամանքով է պայմանավորված Սուրեն Խաչատրյանի վրդովմունքը մեր հարցից՝ «ճի՞շտ է, որ ինքը շահագրգիռ է Ռուդոլֆ Սարգսյանի առաջադրմամբ»:«Դե, հիմա խի՞ ես ենթադրություններ անում, համբերություն չունե՞ս, որ համբերես-տեսնես ինչ ա կատարվելու: Ընդամենը երկու շաբաթվա պատմություն ա, մի շաբաթ համբերի՝ կտեսնես»: Լիսկային հասկացրեցինք, որ ենթադրություններից զերծ մնալու նպատակով էլ զանգահարել ենք իրեն, որպեսզի ճշտենք տեղեկություններն ու խոսակցությունները:.«Հո, ես քեզ հաշվետու չեմ» , -բղավեց Լիսկան:
Մանրամասները՝ սկզբնաղբյուր կայքում
06.08.2013
Սուրեն Խաչատրյան. «Որ առաջադրվելու լինեմ՝ կտեսնեք»
Սուրեն Խաչատրյան. «Որ առաջադրվելու լինեմ՝ կտեսնեք»