Ուժային կառույցների ներկայացուցիչները Զանգեզուրի պղնձամոլիբդենային կոմբինատի (ԶՊՄԿ) տարածքում են։ Այս մասին հայտնում է ԶՊՄԿ կառավարման խորհրդի անդամ, «Հայաստան» դաշինքի ընտրական ցուցակի 4-րդ համար Վահե Հակոբյանի կինը՝ Էլիզաբեթ Պետրոսյանը։
«Այս պահին մեծաթիվ քննիչներ և օպերատիվ ծառայողներ ապօրինի ներխուժել են ԶՊՄԿ: Որևէ պարզաբանում կամ բացատրություն այցի նպատակի մասին չի նշվում»,- գրել է նա։
Պետրոսյանը տեղեկացնում է նաև, որ ձերբակալել են Կոմբինատի անվտանգության աշխատակցին։
«Զանգեզուրի պղնձամոլիբդենային կոմբինատ» ընկերության հուլիսի 13-ին հայտարարություն էր տարածել՝ նշելով, որ պետական եկամուտների կոմիտեն առանց որևէ հիմնավորման խոչընդոտում է ընկերության կողմից պղնձի խտանյութի և ֆերրոմոլիբդենի արտահանումները։
