Ոստիկանության ներքին անվտանգության վարչությունը բացահայտել է ավելի քան 21 մլն դրամի յուրացման դեպք

Ոստիկանության ներքին անվտանգության վարչությունը բացահայտել է ավելի քան 21 մլն դրամի յուրացման դեպք
Ոստիկանության ներքին անվտանգության վարչությունը բացահայտել է ավելի քան 21 մլն դրամի յուրացման դեպք
Հեղինակ MediaLab

Ոստիկանության ներքին անվտանգության վարչությունում տեղեկություններ են ստացվել, որ ոստիկանության ՊՊԳՎ Հրազդանի պահպանության բաժնում կատարվել են ֆինանսական չարաշահումներ և յուրացումներ։

Այդ մասին հայտնում են ոստիկանությունից՝ հավելելով, որ այս կապակցությամբ կատարվող ծառայողական քննության ընթացքում ոստիկանության ներքին աուդիտի վարչության իրականացրած ֆինանսական ստուգմամբ պարզվել է, որ Հրազդանի պահպանության բաժնի նախկին հաշվապահը՝ բաժնի 6 աշխատակիցների և իրեն, առանց իրավական հիմքի, վճարել է ընդհանուր 21.567.472 դրամ։ 
«Ծառայողական քննությամբ բավարար փաստական տվյալներ են ձեռք բերվել պաշտոնատար անձանց արարքներում առերևույթ հանցագործության հատկանիշների առկայության վերաբերյալ, ուստի ծառայողական քննության նյութերը ոստիկանության ներքին անվտանգության վարչությունից ուղարկվել են ՀՀ գլխավոր դատախազություն՝ քննչական ենթակայության հարցը որոշելու համար»,- ասված է ոստիկանության տարածած հաղորդագրության մեջ։