Յուրի Խաչատուրովին թույլ չեն տվել դուրս գալ Հայաստանից. news.am

Յուրի Խաչատուրովին թույլ չեն տվել դուրս գալ Հայաստանից. news.am
Յուրի Խաչատուրովին թույլ չեն տվել դուրս գալ Հայաստանից. news.am
Հեղինակ MediaLab

«Մարտի մեկի» գործով մեղադրյալ, ՀԱՊԿ նախկին գլխավոր քարտուղար Յուրի Խաչատուրովին այսօր՝ հունիսի 8–ին արգելել են հատել հայ–վրացական սահմանը և դուրս գալ երկրից։

Այս տեղեկությունը NEWS.am–ի հետ զրույցում հաստատել է Խաչատուրովի պաշտպան Միհրան Պողոսյանը։

Նա նշեց, որ Յուրի Խաչատուրովը անձնական պատճառներով այսօր պետք է մեկներ իր ծննդավայր՝ Վրաստանի  Տետրիցկարո  (Թեթրի Ծղարոն) բնակավայր, սակայն ժամը 17։00–ի սահմաններում Բագրատաշենի սահմանակետում առանց հիմնավոր պատճառաբանության արգելել են նրան դուրս գալ երկրից։

Նրա խոսքով՝ Խաչատուրովին թույլ չեն տվել հատել սահմանը անգամ դատարանի օրինական որոշման առկայության պարագայում։

«Թեև վարույթն իրականացնող մարմինը Խաչատուրովի ելքի վրա որևէ սահմանափակում չէր կարող դնել, սակայն մենք ծանոթ լինելով ԱԱԾ–ի , ՀՔԾ–ի և ոստիկանության գործելաոճին, միջնորդել էինք դատարանին՝ ելքի ենթադրյալ արգելքի դեպքում վերացնել այն»,–ասաց նա։

Նա նշեց, որ Երևանի ընդհանուր իրավասության դատարանի դատավոր Դավիթ Գրիգորյանը 2019թ. հունիսի 6–ին բավարարել է իր միջնորդությունը և թույլատրել է Խաչատուրովին մեկնել երկրից։

Մանրամասները՝ սկզբնաղբյուր կայքում