75 կողմ, 0 դեմ ձայներով Հայկ Գրիգորյանն ընտրվեց Բարձրագույն դատական խորհրդի անդամ:
Հայկ Գրիգորյանն իրավաբանական գիտությունների դոկտոր է, շուրջ 47 գիտական հոդվածների և 3 մենագրությունների հեղինակ, որոնք վերաբերում են քրեական և միջազգային իրավունքի, քրեական դատավարության և քրեագիտության հիմնահարցերին:
2018-2021 թթ. Գրիգորյանը եղել է ՀՀ քննչական կոմիտեի նախագահ:
«Ստանձնելով ԲԴԽ անդամի բարձր պաշտոնը՝ ՀՀ ժողովրդի առջև երդվում եմ իմ պարտականությունները կատարել Հայաստանի Սահմանադրության և օրենքներին համապատասխան՝ ապահովելով իրավունքի գերակայությունը, երաշխավորելով դատավորների և դատարանների անկախությունը»,- ասաց Գրիգորյանը:
