Նրանց միակ ճանապարհորդությունը

«Բարիք գործել նշանակում է նմանվել Աստծուն»,– ասված է մետաղական ցուցանակի վրա, որ դիմավորում է խնամքի հաստատություն մուտք գործողներին։ «Կորեայի ձորում» գտնվող շինությունը, որ սկզբում բանտ է եղել, հետո մանկատուն՝ Կորեայի որբերի համար, անկախության տարիներին վերափոխվել է գիշերօթիկ դպրոցի։ 2015 թ․–ից այստեղ գործում է «Ձորակ» հոգեկան առողջության խնդիրներ ունեցող անձանց խնամքի կենտրոնը։

Երկու մեծ մասնաշենքերում ապրում են մարդիկ, որ բաժանված են իրարից տարիքով, սեռով ու ախտորոշմամբ։ Առաջինում երիտասարդներն են, որ այստեղ են տեղափոխվել Խարբերդի մանկատնից, երկրորդում՝ Վարդենիսի նյարդահոգեբանական տուն–ինտերնատի նախկին բնակիչները։

Առաջին մասնաշենքի պատերին լայն ու կանաչ մարգագետիններ են, պայծառ արև ու ծաղիկներ։ Ազատությունն այստեղ այդ տեսքն ունի։

Արմանը, Արմանը գալու ա, ինձ տանի

Տղաների խմբում իրար կողքի շարված մահճակալները խնամքով հարդարված ու հավաքված են, լուսամուտները՝ կիսաբաց։ Սենյակում ոչինչ չկա՝ մահճակալներից և աթոռներից բացի․ զուսպ, «տղայական» հարդարանքով, միայն անհրաժեշտ իրեր։

Ավելին՝ այստեղ։