Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը համաձայնել են մասնակցել Բրյուսելում կայանալիք հանդիպմանը՝ Եվրոպական խորհրդի նախագահ Շառլ Միշելի միջնորդությամբ։
«Արմենպրես»-ի փոխանցմամբ՝ այս մասին Գրանադայում ԵՄ ոչ պաշտոնական գագաթնաժողովի մեկնարկից առաջ հայտարարել է Եվրոպական խորհրդի ղեկավար Շառլ Միշելը։
«Ես որոշեցի հոկտեմբերի վերջին երկու ղեկավարներին հրավիրել Բրյուսել, և երկու ղեկավարներն էլ համաձայնեցին գալ այս հանդիպմանը: Մենք մտադիր ենք մեծ աշխատանք կատարել Ադրբեջանի և Հայաստանի միջև հարաբերությունները կարգավորելու համար», – նրա խոսքերն է փոխանցում «ՌԻԱ Նովոստի» գործակալությունը:
