ՀՀ վերաքննիչ քրեական դատարանում մեկնարկել է «Բարգավաճ Հայաստան» կուսակցության ղեկավար, պատգամավոր Գագիկ Ծառուկյանի նկատմամբ կալանքը որպես խափանման միջոց կիրառելու միջնորդությունը մերժելու՝ Երևանի ընդհանուր իրավասության առաջին ատյանի դատարանի որոշման դեմ բողոքի քննությունը։
Ինչպես տեղեկացնում է «Արմենպրես»–ը, Գագիկ Ծառուկյանը դատական նիստին չի մասնակցում։ Նիստը ընթանում է դռնփակ։
Նախորդ դատական նիստը հետաձգվել էր, քանի որ դիմումների մի մասը դատարանին չէր հասել։
Գագիկ Ծառուկյանի պաշտպանական թիմը նույնպես վերաքննիչ բողոք է ներկայացրել՝ խնդրելով դատարանից հաստատված համարել հիմնավոր կասկածի բացակայությունը։
