Ազգային ժողովի «Իմ քայլը» խմբակցության պատգամավոր Վարազդատ Կարապետյանը իր ֆեյսբուքյան էջում հրապարակել է Գեղարքունիքի մարզի Ծովագյուղի բուժամբուլատորիայի տնօրեն Վիգեն Մկրտչյանի լուսանկարը ու գրել․
«Վիգենն առաջիններից էր, ով գնաց Ծաղկաձոր եւ որպես կամավոր միացավ կորոնավիրուսի դեմ պայքարին: Իսկ հիմա Վիգեն Մկրտչյանն իր բուժաշխատողների հետ միասին պայքարը շարունակում է Ծովագյուղում:
Այս դժվար օրերին Ծովագյուղի ԱԱՊԿ-ի թիմն ամեն ինչ անում է, որպեսզի կարողանա կանխել վիրուսի հետագա տարածումը գյուղում:
Վիգենն ու իր թիմը ամեն վարակակրի առանձնահատուկ մոտեցում են ցուցաբերում ու հոգում, որ մարդիկ շատ արագ համապատասխան բուժսպասարկում ստանան:
Մեր հերոսների մասին պիտի միշտ բարձրաձայնենք ու շնորհակալ լինենք նրանց»:
