Էլզասյան ամանորի թխվածքաբլիթները՝ բրեդելիկներ, մմմմ՜, անհավանական համեղ․ «Ալամեզոն» Բլոգ

Էլզասյան ամանորի թխվածքաբլիթները՝ բրեդելիկներ,  մմմմ՜, անհավանական համեղ․ «Ալամեզոն» Բլոգ
Էլզասյան ամանորի թխվածքաբլիթները՝ բրեդելիկներ, մմմմ՜, անհավանական համեղ․ «Ալամեզոն» Բլոգ

Մի քանի տարի առաջ, երբ առաջին կաթոլիկ Ամանորն էինք նշելու միասին, սկեսուրս տուն մտավ մի քանի տոպրակ ալյուր, նուշ, պնդուկ և այլ մթերքներ գնած։

-Ուխ, մամաս հեսա թխվածքաբլիթներ է պատրաստելու, – ոգևորված ասեցին ամուսինս և իր եղբայրը
-Ես էլ գիտեի թե միայն հայերն են այդքան շատ քաղցրեղեն պատրաստում, -զարմացա ես
-Սա միակ բանն է, որ ես, որպես էլզացի, պիտի անեմ,- ցույց տալով հին գրքերը ասաց սկեսուրս,- բաղադրատոմսերը ինձ է տվել մայրս, իսկ մորս` տատիկս է տվել, և այդպես բոլոր էլզացիները գիտեն 30 ից ավելի փոքրիկ բրեդելիկների մասին:

Իհարկե բոլորը պատրաստել հնարավոր չի բայց փորձել եմ ամենահամեղները ձեզ համար թարգմանել, անհավանական համեղ բրեդելիկների թոփ 5 :)) գնացինք

1. Butterbredle

500 գր այլուր, 250 գր շաքարավազ, 250 գր կարագ, 8 ձվի դեղնուց, 1 դեղնուց` խմորի վրան քսելու համար։

Շաքարավազը, ալյուրը, կարագը, դեղնուցները լավ հարել, թողնել, որ հանգստանա 2 ժամ սառնարանում:

Գրտնակով խմորը լավ բարակ բացել, տոնական թեմատիկ հատուկ ֆորմաներով կտրատել, վրան քսել ձվի դեղնուց, եւ թխել  նախապես տաքացրած ջեռոցում՝ 180 աստիճանի տակ` 10-15 րոպե:

2. Tuiles aux noisettes

40 գրամ մանր աղացած պնդուկ, 2 ձու, 100 գր շաքարավազ, 60 գրամ ալյուր, 2-3 կաթիլ վանիլ։ 

Սպիտակուցները հարել շաքարավազի հետ, ավելացնել ալյուրը, պնդուկի փոշին, դեղնուցները, վանիլը, ալյուրը և լավ խառնել (պետք է բավականին թույլ, ոչ խիտ խմոր ստացվի)
Ճաշի գդալով խմորը լցնել թղթի վրա, ավելացնել մեկ պտղունց պնդուկի փոշի ամեն օղակի մեջ և թխել 150 աստիճան տաքացրած ջեռոցում՝ 10-15 րոպե

3. Mandele Meringettle

4 ձվի սպիտակուց
300 գրամ շաքարավազ
200 գրամ շատ մանրացրած նուշը

Նուշը թեթևակի տապակել ( առանց որևէ բանի )

Գոլորշու վրա առանց դադարի հարել սպիտակուցները, ավելացնել ավելացնել արդեն սառած նուշը: 2 գդալի օգնությամբ զգուշությամբ դնել եփվելու թղթի վրա 2,5 սմ դիամետրով
Թխել 100 աստիճան տաքացրած ջեռոցում՝  90 րոպե։
(գույնը պիտի բաց մնա)

4 Vanille Hernle

150 գր ալյուր
40 գր շաքարավազ
25 գր շաքարի փոշի
100 գր կարագ
25 գր նուշ
2 պակետ վանիլի 
Մեկ պտղունց աղ

Նուշը մանր աղալ, խառնել ալյուրը, շաքարավազը, վանիլը, նուշը, ավելացնել կարագ և տրորելով համասեռ զանգված դարձնել: Բացել գունդը շատ բարակ, տալ փոքրիկ կրուասանների տեսք և թխել 140 աստիճան տաք ջեռոցում` 15-20 րոպե:
Վանիլի և շաքարի փոշին խառնել իրար, երբ թխվածքաբլիթները պատրաստ կլինեն թաթախել փոշու մեջ

5 Hernele

200 գր ալյուր
150 գր շաքարի փոշի
125 գր ալյուր
85 գրամ նուշ կամ պնդուկ
3 տուփ ( 11-15 գրամանոց) վանիլ

Ալյուրը խառնել 75 գր շաքարավազի, նշի և 1 տուփ վանիլի հետ:
Քիչ քիչ ավելացնել փափուկ կարագը և հունցել խմորը:
Բացել գունդը 5 սմ հաստությամբ, տալ նալի տեսք, թխել 155 աստիճան տաք ջեռոցում՝ 10-15 րոպե։

Փորձեք, շատ համեղ են, իսկ բույրն ու տրամադրությունը որ պարուրում են տունն՝ աննկարագրելի։ 

Ձեր՝ Ռոզա Սարգսյան Ֆենդեր

MediaLab Blog