«Օրինաց երկիր» կուսակցությունն իր աջակցությունն է հայտնում ՀՀ վարչապետ Նիկոլ Փաշինյանին՝ արտահերթ խորհրդարանական ընտրություններ անցկացնելու գաղափարի շուրջ։
Այս մասին հայտարարել է ՕԵԿ ղեկավար Արթուր Բաղդասարյանը՝ գրառում անելով իր ֆեյսբուքյան էջում։
«Հաշվի առնելով արտահերթ խորհրդարանական ընտրությունների շուրջ սկիզբ առած հասարակական-քաղաքական քննարկումները՝ ցանկանում եմ հայտարարել՝ ես և իմ կողմից ղեկավարվող «Օրինաց երկիր» կուսակցությունը, մեր լիակատար աջակցությունն ենք հայտնում ՀՀ վարչապետ Նիկոլ Փաշինյանին արտահերթ խորհրդարանական ընտրություններ անցկացնելու գաղափարի շուրջ,-գրել է նա:
Հեղափոխության առաջին օրերից ակտիվ մասնակցելով և աջակցելով ժողովրդական զարթոնքին՝ բազմիցս հայտարարել ենք Հայաստանում նոր արտահերթ խորհրդարանական ընտրությունների անցկացման կարևորության մասին նոր և մրցունակ Հայաստան կառուցելու համար»։