«Ժառանգություն» կուսակցության առաջնորդ Րաֆֆի Հովհաննիսյանը բավականին տարօրինակ եւ մեղմ ասած խիստ «լակոնիկ» դիտարկում է արել Արցախի եւ Ավստրալիայի մասին:
Տեղեկացնենք, որ Ավստրալիայի Նոր Հարավային Ուելս նահանգի օրենսդիր մարմինն ընդունել է Լեռնային Ղարաբաղի Հանրապետությունը եւ նրա հայ բնակչության ինքնորոշման իրավունքը ճանաչող բանաձև:
«Ավստրալիայի ամենամեծ նահանգի օրենսդիր խորհուրդը ճանաչեց Լեռնային Ղարաբաղի Հանրապետությունը: Դա շատ ավելին է, քան երբեւէ արել է Հայաստանի Հանրապետությունը իրավական առումով:Ուրախ եմ միայն, որ Ավստրալիայի կառավարությունը հակասահմանադրական չի համարել օրենսդիր մարմնի կողմից նոր պետության ճանաչումը»,-Հովհաննիսյանին հղում անելով նշված է «Ժառանգության» լրատվական ծառայության տարածած հաղորդագրության մեջ:
Սակայն հատկապես ուշագրավ է վերջին նախադասությունը.
«Սերժ, Տիգրան, Հրայր` ի՞նչ եք մտածում»,-սյուրռեալիստական ոլորտից հարց է ուղղում Րաֆֆի Հովհաննիսյանը:
© Medialab.am
