Այսօր Շվեդիայի Մալմյո քաղաքում կայանալիք «Եվրատեսիլ 2013» ամենամյա երգի միջազգային մրցույթում երկրորդ կիսաեզրափակիչում 11-րդ ելույթ կունենա Հայաստանը ներկայացնող «Դորիանս» ռոք խումբը` «LonelyPlanet» երգով:
«LonelyPlanet» երգի հեղինակը հանրահայտ Black Sabbath ռոք խմբի կիթառահար ԹոնիՅոմմին (TonyIommi) եւ «Դորիանսն» են:
58 ամյապատմություն ունեցող «Եվրատեսիլ» երգի միջազգային մրցույթին Հայաստանը մասնակցել է վեց անգամ: Մինչ այժմ Հայաստանը ներկայացրած Եվա Ռիվասը զբաղեցրել է 7-րդ, երգիչներ Անդրեն եւ Հայկոն 8-րդ, Ինգա եւ Անուշ Արշակյան քույրերը` 10-րդ տեղը:
Լավագույն արդյունքն առ այսօր Սիրուշոյի 4-րդ հորիզոնականն էր:
Հիշեցնենք, որ 2011-ին, Գերմանիայի Դյուսելդորֆ քաղաքում կայացած «Եվրատեսիլ» երգի ամենամյա մրցույթում Հայաստանը ներկայացնող երգչուհի Էմմիին չի հաջողվել նվաճել եզրափակիչ փուլին մասնակցելու իրավունք:
Իսկ անցյալ տարի` 2012-ին, Հայաստանը հրաժարվել է8 մասնակցել մրցույթին, քանի որ անց էր կացվում Բաքվում:
Այս տարվա ընտրությամբ շատերը հաղթանակի մեծ հույսեր են կապում «Դորիանսի» եւ առանձնապես խմբի մենակատար Գոռ Սուջյանի հետ:
Եզրափակչում հայտնվելու համար «Դորիանսը» կպայքարի 16 երկրների` Ադրբեջանի, Վրաստանի, Իսրայելի, Հունաստանի, Բուլղարիայի, Իսլանդիայի, Ֆինլանդիայի, Հունգարիայի, Մակեդոնիայի, Ռումինիայի, Նորվեգիայի, Շվեցարիայի, Ալբանիայի, Սան Մարինոյի, ինչպես նաեւ Լատվիայի ներկայացուցիչների հետ:
© Medialab.am