Բարեւ ձե~զ,
Bonjour!
Ես Ռոզա Սարգսյան Ֆենդերն եմ:
Հիշում եք չէ՞ մեր սիրելի ֆիլմից «ալամեզոն»-ը: Պարզվում է ֆրանսերենով հեչ էլ ծիծաղելի չի եւ մեզ շատ հայտնի այս բառը ֆրանսերեն À la maison նշանակում է տուն:
Հանգամանքների բերումով չորս տարի առաջ Ֆրանսիայում հայտնվելով՝ իմ պատկերացումները Եվրոպայի, Ֆրանսիայի մասին լիովին փոխվեցին:
Իմ օնլայն տանը՝ «ԱլաՄեզոն»-ում, ես կփորձեմ պատմել փոքրիկ պատմություններ Ֆրանսիայի, ֆրանսիացիների, ֆրանսիահայերի ու իմ փոքրիկ հայ֊ֆրանսիական ընտանիքի մասին: Հայաստանի իմ հայրենի Էջմիածնից հազարավոր կիլոմետրեր հեռու՝ ֆրանսիական Էլզասում գտնվող իմ երկրորդ տնից ես կփորձեմ ձեզ ներկայացնել այն հետաքրքիրն ու անսպասելին, որն ինձ զարմացրել, հիացրել, կամ նույնիսկ հիասթափեցրել է այստեղ:
Առաջիկայում մեզ են սպասում գունագեղ տոները, ավանդույթները, իրական պատմություններ՝ մարդկային փոխհարաբերությունների ու զգացմունքների, խոհանոցի, սովորույթների մասին եւ ավելին:
Եւ ուրեմն, բարի գալուստ իմ փոքրիկ «ԱլաՄեզոն»:
Ձեր՝ Ռոզա Սարգսյան Ֆենդեր
MediaLab Blog
