Նիկոլ Փաշինյանի վարչապետ ընտրվելու կապակցությամբ շնորհավորական ուղերձ է հղել Ռուսաստանի նախագահ Վլադիմիր Պուտինը։
Այդ մասին տեղեկացնում է «Ազատություն» ռադիոկայանը՝ հղում անելով Կրեմլի պաշտոնական էջին։
«Ակնկալում եմ, որ Ձեր գործունեությունը կառավարության ղեկավարի պաշտոնում կնպաստի մեր երկրների միջև բարեկամական, դաշնակցային կապերի, ԱՊՀ-ի, Եվրասիական տնտեսական միության և Հավաքական անվտանգության պայմանագրի կազմակերպության շրջանակներում գործընկերային փոխգործակցության հետագա ամրապնդմանը», – ըստ աղբյուրի, նշված է Ռուսաստանի նախագահի շնորհավորական հեռագրում:
