Կենտրոնական ընտրական հանձնաժողովը քիչ առաջ ամփոփեց Հայաստանի բոլոր` 1988 ընտրատեղամասերից ստացված տվյալները, որոնց համաձայն գործող նախագահ, Հանրապետական կուսակցության թեկնածու Սերժ Սարգսյանը վերընտրվել է` ստանալով քվեների 58,64 տոկոսը:
ԿԸՀ կայքէջում հրապարակված տվյալների համաձայն, երկրորդ հորիզոնականում է Հայաստանի առաջին արտգործնախարար, «Ժառանգություն» կուսակցության առաջնորդ Րաֆֆի Հովհաննիսյանը, ով, ըստ նախնական արդյունքների, ստացել է քվեների 36,75 տոկոսը:
Մյուս հինգ թեկնածուները զգալիորեն զիջում են առաջատարներին. երրորդ տեղը գրաված Հրանտ Բագրատյանը ստացել է քվեների մոտ 2 տոկոսը:
ԿԸՀ֊ն ավելի վաղ տեղեկացրել էր, որ քվեարկությանը մասնակցել է ընտրողների ընդհանուր թվի 60.05 տոկոսը կամ 1 միլիոն 518 հազար 407 մարդ:
