«Աքիլլես» ավտովարորդների իրավունքների պաշտպանության ՀԿ-ն հունիսի 1-ից երթեւկության կանոնների փոփոխությունները եւ բարձրացված տուգանքների չափը դիտարկում է որպես «գումարների հավաքագրում»:
ՀԿ-ի նախագահ Էդուարդ Հովհաննիսյանը նշում է, որ բարձրացված տուգանքների հետեւանքով վերջին մեկ ամսվա կտրվածքով մեծացել են կոռուպցիոն ռիսկերը:
«Վարորդներից մենք թեժ գծով զանգեր ենք ստանում, ովքեր ասում են, որ կաշառք են տալիս տեսուչներին: Դա պայմանավորված է նրանով, որ վարորդը, տեղյակ չի լինում տվյալ խախտման համար տուգանքի չափից, տեսուչն էլ ինչ գումար ուզում՝ ասում է: Դե վարորդն էլ տեսնելով, որ 30 հազար դրամի տուգանք է իրեն սպասում, մտածում է 5000 դրամ այդ պահին տա՝ հեռանա»,- ասում է Հովհաննիսյանը:
Նա նշում է, որ մեքենան արգելված վայրում կայանելու համար տուգանքի բարձրացումը (80 հազար դրամ) անհիմն է:
«Եթե մեքենայի տեղափոխումը էվակուատորով կազմում է 10 հազար դրամ, կայանելը 10 հազար, ինչու՞ եք տուգանում 80 հազար, այդքան բարձր,-ասում է Հովհաննիսյանը,-Պետական մարմինն այսօր կատարում է մի գործ, որից ունի հավելավճարներն ստանալու ակընկալիք»:
Ըստ նրա՝ շատ են դեպքերը նաեւ փողոցում տեղադրված, բայց չերեւացող նշանների հետեւանքով արձանգարված խախտումների թվի:
«Նշանը, որ տեղադրված է դպրոցի մոտ 40 կմ/ժ արագությունը չգերազանցելու համար, տեսանելի չի եղել վարորդներին եւ նրանք երթեւեկել են 60 կմ/ժ արագությամբ: Մինչդեռ ըստ կառավարության 16. 99 որոշման՝ նշանները պետք է տեսանելի լինեն 100 մետր հեռավորությունից, բայց այստեղ 10 մետրից էլ չի երեւում: Իսկ ոստիկաններն այս փաստը անտեսում են»,- նշում է Հովհաննիսյանը եւ հավելում, որ արդեն 35 դիմում ուղարկել են ճանապարհային ոստիկանություն խախտումները անվավեր ճանաչելու համար:
Ըստ Հովհաննիսյանի, 70 դատական գործ դեռեւս ընթացքի մեջ է:
© Medialab.am
