Համաձայն ՀՀ կրթության և գիտության նախարարի հրամանի, մայիսի 23-ին ՀՀ հանրակրթական ուսումնական հաստատություններում հնչեց ուսումնական տարվա ավարտն ազդարարող վերջին զանգը:
Այսօր վերջին զանգ հնչեց Հայաստանի բազմաթիվ աշակերտների համար, որոնց տոնական միջոցառումները կշարունակվեն երեկոյան` հանրապետության հրապարակում:
Օրվա կապակցությամբ շնորհավորական ուղերձ է հղել ԿԳ նախարար Արմեն Աշոտյանը:
«Սիրելի´ շրջանավարտներ,
Այս պահից դուք թևակոխում եք կյանքի մի նոր փուլ, որտեղ ձեզանից պահանջվում է լինել առավել զգոն և պատասխանատու: Սա այն պահն է, երբ պետք է կատարել մասնագիտության ճիշտ ընտրություն, շարունակել հարստացնել գիտելիքներն ու իմացությունները, որովհետև վաղվա ձեր բարեկեցության հիմքն եք դնում այսօր:
Վստահ եմ, որ դուք դառնալու եք ազատ հայրենիքի իրավատեր քաղաքացիներ և միասին կառուցելու ենք մեր երազած Հայաստանը»:
Հաշվի առնելով, ամեն տարի այս օրն արձանագրվող պատահարները, ոստիկանությունը հայտարարել է, որ «Վերջին զանգի» հանդիսությունների ընթացքում ողջ ծավալով իրականացնելու է հասարակական կարգի ապահովմանն ուղղված իր գործառույթները»:
© Medialab.am