«Խստորեն դատապարտում ենք ռուսական զինված ուժերի ներխուժումն անկախ Ուկրաինայի տարածք». «Ազատ դեմոկրատներ»

«Խստորեն դատապարտում ենք ռուսական զինված ուժերի ներխուժումն անկախ Ուկրաինայի տարածք». «Ազատ դեմոկրատներ»
«Խստորեն դատապարտում ենք ռուսական զինված ուժերի ներխուժումն անկախ Ուկրաինայի տարածք». «Ազատ դեմոկրատներ»
Հեղինակ MediaLab

Մինչ Հայաստանի իշխանությունները հերթական անգամ շարունակում են լռություն պահպանել, «Ազատ դեմոկրատներ»-ը կրկին անգամ հանդես են եկել հայտարարությամբ` դատապարտելով Ռուսաստանի գործողությունները:

Հայտարարության մեջ «Ազատ դեմոկրատներ»-ը «խստորեն դատապարտում են զինված ուժերի ներխուժումն անկախ Ուկրաինայի տարածք»:

«Ժամանակակից քաղաքակիրթ աշխարհում յուրաքանչյուր ժողովուրդ ազատ ինքնորոշման և ազատ կամարտահայտման իրավունք ունի, քանզի  դա է պետությունների և ազգերի խաղաղ գոյակցության և բեղմնավոր համագործակցության հիմնական նախապայմանը և միևնույն ժամանակ՝ ամենահզոր երաշխիքը:

Միջազգային իրավունքի նորմերի նման կոպիտ խախտումը հղի է  անկանխատեսելի հետևանքներով, որոնց կիզակետում կհայտնվեն ոչ միայն Ռուսաստանն ու Ուկրաինան, այլև բազմաթիվ այլ ազգեր և պետություններ,-մասնավորապես նշված է կուսակցության տարածած հայտարարության մեջ:

Ազատ դեմոկրատները համարում են, որ ցանկացած ժողովրդավարական կառույց պարտավոր է իրեն հասու բոլոր միջոցներով պաշտպանել Ուկրաինայի ազատ քաղաքացիների ժողովրդավարական ընտրությունը»:

© Medialab.am