«Ժառանգություն» կուսակցության մամլո քարտուղար Դավիթ Սանասարյանը այսօր ժամը 13:45-ից հացադուլ է սկսել ԵԱՀԿ երեւանյան գրասենյակ առաջ` ի նշան բողոքի հայկական ուղղաթիռի խոցման պատճառների բացահայտման եւ հայ օդաչուների դիերի վերադարձման:
Հացադուլ սկսելու իր որոշման մասին Սանասարյանն նախապես իրազեկել է ֆեյսբուքյան իր էջում գրառման տեսքով: Գրառումն ամբողջությամբ ներկայացնում ենք ստորեւ:
«Այս պահին, 17-ը նոյեմբերի, ժամը 13:45, ես հացադուլ եմ սկսում ԵԱՀԿ Երևանյան գրասենյակի առջև ի նշան բողոքի Ղարաբաղ-Ադրբեջան շփման գոտում հայկական ուղղաթիռի խոցման պատճառների բացահայտման ու մեր երեք սպանված օդաչուների դիերի հետ վերադարձման
Սա միայն Պն-ի անելիքը չէ:
Ժողովուրդ, երբ մենք տաք-տաք ֆեյսբուքներում ստատուս ենք գրում, կամ մեր ամենօրը վայելում, դա մեր զինվորների շնորհիվ է, դա նրանց օրուգիշեր սառելու, խիզախության շնորհիվ է, իսկ մենք ի՞նչ ենք անում, երբ մեր 3 զոհված տղերքի դիերը դեռ կենդանիների հոշոտման վտանգի տակ են…
Միայն կուրծք ծեծելով ֆեյսբուքյան էմոցիոնալ գրառումներ անելը, գազը թողելու պես մի բան է….
Մեր երկրում եթե կա մի կառույց, որին անվերապահորեն հավատում եմ, դա մեր Զինված ուժերն է, գիտեմ, որ պատասխան են տալու, գիտեմ, որ կարող են տղեքին ադրբեջանցիների կրակի տակից հանել, բայց նաև պարզ է, որ չեն ուզում նոր կորուստներ տալ…
Իսկ ինչո՞վ են զբաղված ԵԱՀԿ համանախագահները, ի՞նչ են արել մինչ օրս, որ խաղաղ ձևով ուղղաթիռի անձնակազմը հետ բերենք….եթե մի բան էլ արել են, շատ քիչ է, տղաները դեռ հոշոտման վտանգի տակ են, եթե արդեն չի եղել…
Դրա համար, անվերապահորեն վստահելով հանդերձ մեր բանակին, վրդովմունքս ու պահանջս հայտնում եմ ԵԱՀԿ-ի երևանյան գրասենյակի առաջ, և հայտարարում անժամկետ հացադուլ, քանի դեռ տղերքն ընկած են գելի երախի առաջ…
Հ.Գ. որպես զորացրված հետախույզ և պարզապես հայ զինվոր, հորդորում եմ ՊՆ-ին սա չընդունել սադրանք, ու զբաղվել սեփական գործով, չշտապելով, որպեսզի սխալներ
չլինեն…
Ես հավատում եմ ձեր սառը ու թարմ որոշումներին…»
Հիշեցնենք, որ նոյեմբերի 12-ին, ադրբեջանական բանակի զինանձնակազմը Աղդամի շրջանում խոցել էր հայկական օդուժի Մի-24 հարվածային ուղղաթիռը,ինչի հետևանքով զոհվեցին անձնակամզի 3 անդամները։ ՀՀ ՊՆ-ն միջադեպը մեկնաբանելիս, հայտնէլ է, որ «աննախադեպ լարման հետևանքները ադրբեջանական կողմի համար կլինեն շատ ցավոտ»։
© Medialab.am
