«Միակ բանը, որի համար արժե Ռուսաստանին շնորհակալություն հայտնել, դա կլինի այն ժամանակ, երբ Ռուսաստանը թողնի գնա այստեղից». Ռուբեն Մեհրաբյան

«Միակ բանը, որի համար արժե Ռուսաստանին շնորհակալություն հայտնել, դա կլինի այն ժամանակ, երբ Ռուսաստանը թողնի գնա այստեղից». Ռուբեն Մեհրաբյան
«Միակ բանը, որի համար արժե Ռուսաստանին շնորհակալություն հայտնել, դա կլինի այն ժամանակ, երբ Ռուսաստանը թողնի գնա այստեղից». Ռուբեն Մեհրաբյան
Հեղինակ MediaLab

Հայաստանը չպետք է Ռուսաստանին շնորհակալություն հայտնի, այլ հակառակը պետք է լինի՝ Ռուսաստանի ղեկավարությունը պետք է Հայաստանին շնորհակալություն հայտնի՝ իրեն մատուցած ծառայությունների համար: «Մեդիալաբի» հետ զրույցում նման դիտարկում արեց քաղաքական վերլուծաբան Ռուբեն Մեհրաբյանը՝ անդրադառնալով Սերժ Սարգսյանի և Վլադիմիր Պուտինի հանդիպմանը:

Նկատելի էր, որ այդ հանդիպման ընթացքում Սերժ Սարգսյանը մի քանի անգամ շնորհակալություն էր հայտնում Պուտինին: Վերլուծաբանից հետաքրքրվեցինք՝ շնորհակալություն հայտնելու առիթ կա՞ր և ի՞նչ է դա նշանակում:

«Այստեղ նորություն չկա, ամեն անգամ, երբ Հայաստանի տարբեր պաշտոնյաներ տարբեր առիթներով գնում են Ռուսաստան, միշտ էլ չակերտավոր պատճառ գտնում են՝ շնորհակալություն հայտնելու: Դա դարձել է Հայաստան-Ռուսաստան հարաբերությունների պրոտոկոլային բաղկացուցիչը, առանց որի ոչ Հայաստանի, ոչ էլ Ռուսաստանի պաշտոյաները չեն պատկերացնում, որ կարող են հարաբերություններ լինել»,- «Մեդիալաբին» ասում է Ռուբեն Մեհրաբյանը:

Մասնագետի խոսքով՝ Հայաստանն առիթ չունի այսօր Ռուսաստանին շնորհակալություն հայտնելու:

«Միակ բանը, որի համար արժե Ռուսաստանին շնորհակալություն հայտնել, դա կլինի այն ժամանակ, երբ Ռուսաստանը թողնի գնա այստեղից: Այդ ժամանակ կարելի է իրոք որ շնորհակալ լինել: Մնացած առումներով մի բան էլ Ռուսաստանը պետք է շնորհակալություն հայտնի Հայաստանին, ընդ որում շնորհակալություն այն ծառայությունների համար, որոնք Հայաստանը նրան մատուցել է: Դրանք եղել են ծառայություններ, որոնց Ռուսաստանն արժանի չէ: Դա այդ հարաբերությունների աննորմալության ևս մեկ դրսևորում է, որը մինչ օրս ունենք»,- հավելեց մասնագետը:
Անդրադառնալով այս հանդիպման պատճառներին՝ Մեհրաբյանն ասում է, որ չի կարծում, թե դա շրջադարձային այց էր:

«Ալիևի հետ հանդիպելուց հետո, այո, նաև պետք էր հայկական կողմի հետ հանդիպել: Թե ինչ կար Ռուսաստանի մտքին, ով ձեռնարկել էր այս հանդիպումները ծանր պատժամիջոցներն արդեն ուժի մեջ մտնելուց հետո, միանգամայն հասկանալի է: Ռուսաստանը չի ուզում, որ իր ազդեցությունը թուլանա հետխորհդրդային տարածքում, Հայաստանում և Ադրբեջանում մասնավորապես: Եվ այս ամենը կոչված էր այդ խնդրի ապահովմանը»,- «Մեդիալաբին» ասում է նա:
Թե հետագայում ինչ զարգացումներ կարող են լինել, Ռուբեն Մեհրաբյանի խոսքով, դա կախված է նրանից, թե Ռուսաստանն ինչքան ռեսուրս կունենա այդ խնդրի հետապնդումը շարունակելու համար: Մյուս կողմից էլ դա կախված է նրանից, թե ինչքանով դա թույլ կտա Հայաստանը: Եվ այստեղ շատ կարևոր է, թե ինչ դիրքորոշում կունենա Արևմուտքը:

«Դատելով այս վերջին զարգացումներից՝ դրանք գալիս են հաստատելու, որ Արևմուտքն ուղղակի այստեղ որևէ հստակ ռազմավարություն չունի: Վերջին ամիսների զարգացումներն են դա ցույց տալիս: Եվ Արևմուտքի քաղաքականությունն այստեղ սահմանափակվում է նրանով, որ ուղղակի թույլ չտան անկառավարելի պրոցեսներ»,- ասաց նա:

Ռուսաստանն այս պայմաններում կարող է առիթն օգտագործել, բայց որքանով դա կստացվի, սա է հարցը:

«Բայց մյուս կողմից էլ մենք տեսանք շահագրգռվածություն Արևմուտքի մոտ, որպեսզի ռուսական ջանքերից ոչինչ չստացվի»,- նշում է Մեհրաբյանը։

Ռոզա Հովհաննիսյան

MediaLab.am