Սեպտեմբերի 28-ին կայացած մրցանակաբաշխության արդյունքում ամփոփվել են բնապահպանական հոդվածների և տեսանյութերի մրցույթի արդյունքները։
Լիանա Խաչատրյանի՝ «Մեդիալաբում» հրապարակված հոդվածն արժանացել է երեք գլխավոր մրցանակներից մեկին։
Մրցանակաբաշխության պաշտոնական հաղորդագրությունը ներկայացնում ենք ստորև.
«Մենք ստացել ենք շուրջ 60 աշխատանք, և ժյուրիի ընտրությունն իրոք շատ բարդ էր։ ՀՀ բնապահպանության նախարարության և ՄԱԿ-ի Զարգացման ծրագրի կողմից կազմված բնապահպանների և հաղորդակցության մասնագետների ժյուրին ընտրել է երեք աշխատանք, որոնք արժանացել են գլխավոր մրցանակի։ Հաղթող նյութերն են՝
– Լիանա Խաչատրյան, «Կյանքն առանց պլաստիկ թափոնների՞. Իմ հետաքրքիր փորձի պատմությունը, կամ ինչպես կրճատել մեր արտադրած աղբը»
– Անահիտ Հարությունյան, «Այլընտրանքային ջեռուցում Հայաստանի արևաշատ «Սիբիրում»
– Երանուհի Սողոյան, «Ուսուցում և այլընտրանք՝ կլիմայական փոփոխություններին դիմակայելու միակ արդյունավետ միջոցները»
– Հատուկ մրցանակ՝ www.econews.am բնապահպանական լրատվական կայքին»։