Էդվարդ Նալբանդյան. Այս օրը ոսկե տառերով կգրվի մարդու իրավունքների պաշտպանության տարեգրքում

Էդվարդ Նալբանդյան. Այս օրը ոսկե տառերով կգրվի մարդու իրավունքների պաշտպանության տարեգրքում
Էդվարդ Նալբանդյան. Այս օրը ոսկե տառերով կգրվի մարդու իրավունքների պաշտպանության տարեգրքում
Հեղինակ MediaLab

Ֆրանսիայի Սենատի կողմից ընդունված Հայոց ցեղասպանության ժխտումը քրեականացնող օրինագիծի վերաբերյալ հայտարարություն է տարածել ՀՀ Արտաքին գործերի նախարար Էդվարդ Նալբանդյանը` իր երախտագիտությունն արտահայտելով:

«Այս օրը ոսկե տառերով կգրվի ոչ միայն ֆրանսիացի և հայ ժողովուրդների բարեկամության պատմության մեջ, այլև աշխարհում մարդու իրավունքների պաշտպանության տարեգրքում եւ կլրացնի մարդկության դեմ հանցագործությունների կանխարգելման առկա մեխանիզմները» ,-իր հայտարարության մեջ նշել է Նալբանդյանը` շեշտելով, որ Սենատի ընդունած որոշումը 2001 թվականին Ֆրանսիայի կողմից Հայոց Ցեղասպանության ճանաչման մասին օրենքի տրամաբանական շարունակությունն է:

Հիշեցնենք, որ 127 կողմ, 86 դեմ ձայների հարաբերակցությամբ Ֆրանսիայի Սենատն երկուշաբթի ընդունել է Հայոց ցեղասպանության ժխտումը քրեականացնող օրինագիծը:

Օրենքը նախատեսում է 1 տարվա ազատազրկում, կամ 45.000 եվրո տուգանք, բոլոր նրանց համար, ովքեր կժխտեն Հայոց Ցեղասպանության փաստը:

«Ֆրանսիան վերահաստատեց իր առանցքային դերակատարությունը որպես համամարդկային արժեքների անշահախնդիր պաշտպան,-ասել է Նալբանդյանը,-:Ես կցանկանայի մեր երախտագիտությունը հայտնել Ֆրանսիայի Հանրապետության Նախագահին, Սենատին, Ազգային ժողովին, Կառավարությանն ու Ֆրանսիայի բարեկամ ժողովրդին:

© Medialab.am