ՀԱԿ-անդամ, 2008-ին հանրահավաքների շարժիչ ուժ համարվող Նիկոլ Փաշինյանին հանրահավաքի մասնակիցներն ընդունեցին բուռն ոգեւորությամբ, եւ Նի-կոլ վանկարկումներով:
«Այն, որ փետրվար է եւ մենք այսօր այստեղ ենք, նշանակում է մեկ բան. ՀՀ քաղաքացու հաղթարշավը անկասելի է, ժողովրդի հաղթանակը անխուսափելի է, մենք այստեղ ենք ինքներս մեր կյանքն ու սերը, վիշտն ու երջանկությունը ի ցույց դնելու աշխարհին, բռնության աչքերի մեջ նայելու ենք եւ ասելու` բռնութոյուն քո անկումը անկասելի է, քո պարտությունը անխուսափելի է: Հայաստանի հանրապետության հպարտ քաղաքացիներ, ի հեճուկս հոռետեսական կանխատեսումների` փետրվարի 18-ին Հայաստանի հանրապետության ժողովուրդն ընտրել է իր նախագահին, բայց ինչպես եւ սպասվում էր ԿԸՀ հրապարակած արդյունքները չեն արտահայտում, ժողովրդի ընտությունը, Հայաստանում հաստատված է ավտորիտար քաղաքական համակարգ»,-իր ելույթում նշեց Նիկոլ Փաշինյանը:
«Բռնություն քո պարտությունն անխուսափելի է»,-հայտարարեց Փաշինյանը:
Նա նշեց, որ «Հովհաննիսյանի եւ նրա թիմի որոշումներից է մեծապես կախված, թե ինչ կբերի մեզ փետրվարը»:
«Չի կարելի ՀՀ լուսավոր ժողովրդին չի կարելի է տանել հիասթափություն, Հաղթանակ եւ ուրիշ ոչինչ»,-ասաց նա:
«Մաղթենք Րաֆֆի Հովհաննիսյանին բավական կամք, խոհեմություն, ՀՀ քաղաքացուն դեպի հաղթանակ առաջնորդելու համար»,-մասնավորապես նշեց Փաշինյանը:
«Այլեւս երեբեք թույլ չենք տա մեզ կոտորել մեր մայրաքաղաքում, այլեւս երբեք ոչ մի բռնություն, այլեւս ոչ մի արյուն, այլեւս եւբեք ոչ մի պարտություն, հաղթանակ եւ ոչինչ, կեցցե Հայաստանի հանրապետությունը»,-մասնավորապես ասաց Նիկոլ Փաշինյանը` կոչ անելով հարդել 2008-ի մարտիմեկյան իրադարձություններին զոհ գնացածների հիշատակը:
«Հաղթանակ եւ ուրիշ ոչինչ»,-հայտարարեց Նիկոլ Փաշինյանը, որին հետեւեցին բազմամարդ հանրահավաքի մասնակիցների ոգեւորված «Հաղ-թա-նակ» բացականչությունները:
© Medialab.am
