Քիչ առաջ Ազատության հրապարակում ավարտվեց «Ժառանգություն» կուսակցության առաջնորդ Րաֆֆի Հովհաննիսյանի հրավիրած հերթական հանրահավաքը, որի ավարտին նա հայտարարեց, որ քանի դեռ Սերժ Սարգսյանը ինքնաբացարկ չի հայտարարել, ինքը մնալու է Ազատության հրապարակում եւ «հաց չի ուտելու»:
«Իմ արածը հացադուլ չէ` կեղծիքադուլ է, ստադուլ է: Այսուհետ ես մնալու եմ Ազատության հրապարակում` հաց չեմ ուտելու, կեղծիք ու սուտ չեմ ընդունելու:
Ազատության հրապարակում կազմում ենք Ազգային համաձայնության մեր վարչակարգը»,-բազմահազարանոց հանրահավաքի ավարտին հայտարարել է Րաֆֆի Հովհաննիսյանը, թեեւ մասնակիցները հորդորեցին նրան այդ քայլի չգնալ:
Հիշեցնենք, որ փետրվարի 18-ին տեղի ունեցած նախագահական ընտրությունների պաշտոնական արդյունքներով հաղթող է ճանաչվել գործող նախագահ Սերժ Սարգսյանը, իսկ Րաֆֆի Հովհաննիսյանը հայտնվել է երկրորդ հորիզոնականում: Սակայն, հանրահավաքի մասնակիցները, Հովհաննիսյանի աջակիցենրը պնդում են, որ ընտրությունները կրկին անգամ Հայաստանում կեղծվել են`բերելով բազում փաստարկներ:
Հետընտրական շրջանում Րաֆֆի Հովհաննսիյանի հրավիրած հանրահավաքներում նա խոստացել է վերադարձնել «ժողովրդի իշխանությունը»: Այսօրվա հանրահավաքում Րաֆֆի Հովհաննսիյանը նշեց, որ մարտի 15-ին տեղի կունենա հաջորդ հանրահավաքը` «օր, երբ Սողոմոն Թեհլերյանը վերականգնեց ժողովրդի արդարությունը»:
© Medialab.am