«Մեդիալաբը» ներկայացնում է «Դափնե» նախագծի պատմությունները այն կանանց մասին, ովքեր անցել են բազում դժվարությունների միջով, սակայն կարողացել են հաղթահարել և նոր կյանք սկսել։ «Ոչ թե զոհ, այլ հաղթած» կարգախոսով մեր հերոսների պատմությունները կարող եք գտնել www.DaphneArmenia.am կայքում։
«Ամբողջովին քարացել էի, ոնց որ մեռած մարդ լինեի, ու հոգիս դուրս եկած լիներ մարմնիս միջից: Այնքան վատ էի ինձ զգում, որ մտածում էի` ինքնասպան կլինեմ, սենյակի պատուհանից դուրս կգցեմ ինձ: Այդ պահին ոչինչ էլ չէի զգում, ամեն ինչ ջարդվել էր իմ ներսում, ապագա այլևս չկար»,- անցյալն է վերհիշում 28-ամյա Լյուսի Աբդել Ահադը:
Բեյրութում ծնված ու մեծացած, այնուհետեև Հայաստան տեղափոխված Լյուսին 20 տարեկան էր, երբ սեռական բռնության ենթարկվեց իր դասախոսի կողմից։ Տեղի ունեցածը շոկային էր նրա համար, անհասկանալի ու անբացատրելի։ Աղջկա կյանքում ամեն ինչ կանգ էր առել, ու թվում էր՝ ինքն էլ երբեք առաջ չի շարժվելու:
«Դա շատ մեծ տրավմա էր ինձ համար, ես կյանքում չէի մտածի, որ հենց այս մարդը, ով հոր նման էր ինձ վերաբերվում, փոքրուց ինձ գիտեր, նման արարքի կդիմի: Չէի հասկանում, թե ինչու նա ինձ հետ այդպես վարվեց»,- ասում է Լյուսին:
Ավելին՝ այստեղ
Տեքստը` Լիլիթ Առաքելյան
Լուսանկարը` Նազիկ Արմենակյան
