Երկարատեւ ու տանջալի սպասումներից հետո, այսօր վերջապես ԲՀԿ նախագահ Գագիկ Ծառուկյանը հայտարարել է առաջիկա նախագահական ընտրություններին իր մասնակցության վերաբերյալ բոլորին հետաքրքրող հարցերին:
Ըստ ԲՀԿ տարածած հայտարարության, որի մասին տեղեկացնում է «Առավոտը», Գագիկ Ծառուկյանը այսօր տեղի ունեցած ԲՀԿ խմբակցության և քաղխորհրդի համատեղ նիստի ժամանակ շնորհակալություն հայտնելով գործընկերներին «անվերապահ վստահության եւ աջակցության համար», հայտարարել է, որ չի առաջադրելու իր թեկնածությունը առաջիկա նախագահական ընտրություններին:
«Հիմք ընդունելով Գագիկ Ծառուկյանի հայտարարությունը, քննարկումների արդյունքում ԲՀԿ խմբակցության և քաղխորհրդի համատեղ նիստը ընդունել է երկու որոշում.
1.Գալիք նախագահական ընտրություններում ԲՀԿ-ն չի առաջադրելու սեփական թեկնածու:
2.Գալիք նախագահական ընտրություններում ԲՀԿ-ն չի սատարելու թեկնածուներից որևէ մեկին»,-նշված է ԲՀԿ հայտարարության մեջ:
© Medialab.am