Րոպեներ առաջ 127 կողմ, 86 դեմ ձայների հարաբերակցությամբ Ֆրանսիայի Սենատն ընդունեց Հայոց ցեղասպանության ժխտումը քրեականացնող օրինագիծը: Հայող ցեղասպանությունը ժխտողները Ֆրանսիայում կդատապարտվեն, եթե իհարկե օրենքի տակ իր ստորագրությունը դնի նաեւ երկրի նախագահը:
Հիշեցնենք, որ անցյալ տարեվերջին` դեկտեմբերի 22-ին, Ֆրանսիայի Ազգային ժողովը ձայների ճնշող մեծամասնությամբ ընդունել էր Հայոց ցեղասպանության ժխտումը քրեականացնող օրինագիծը։
Օրենքը նախատեսում է 1 տարվա ազատազրկում, կամ 45.000 եվրո տուգանք, բոլոր նրանց համար, ովքեր կժխտեն Հայոց Ցեղասպանության փաստը:
Հայերի կողմից ոգեւորությամբ ընդունված օրինագիծը, ինչպես եւ ենթադրվում էր ագերսիվ վերաբերմունքի էր արժանացել Թուրքիայի կողմից:
Թուրքիան օրինագծի ընդունման վերաբերյալ բազմիցս սպառնալիքներ և քննադատություն էր հնչեցրել Ֆրանսիայի հասցեին: Մասնավորապես Թուրքիան սպառնացել էր տնտեսական պատժամիջոցներ կիրառել Ֆրանսիայի նկատմամբ:
© Medialab.am
