Օրեր շարունակ սպասումների եւ լարվածության մեջ պահելուց հետո, այսօր կայացած մամուլի ասուլիսում ՀՀ նախագահի թեկնածու, ԱԻՄ նախագահ Պարույր Հայրիկյանի ներկայացուցիչները հայտարարել են, որ վերջինս չի դիմի Սահմանադրական Դատարան` ընտրությունները հետաձգելու պահանջով:
Հիշեցնենք, որ հունվարի 31-ին Պարույր Հայրիկյանի հանդեպ մահափորձ էր կատարվել եւ վերջինս հրազենային վնասվածքով տեղափոխվել էր հիվանդանոց:
ՀՀ Սահմանադրության 52-րդ հոդվածի համաձայն, ընտրությունները կարող էին հետաձգվել երկշաբաթյա ժամկետով, եթե հանրապետության նախագահի թեկնածուներից մեկի համար անհաղթահարելի խոչընդոտներ են առաջանում:
Սակայն, ինչպես այսօր ասուլիսի ժամանակ տեղեկացրել են Հայրիկյանի ներկայացուցիչները, նախագահի թեկնածուն չի դիմի ՍԴ` փետրվարի 18-ին կայանալիք ընտրությունները հետաձգելու համար:
© Medialab.am
