Մինչ Բաղրամյան պողոտան շղթայած բազմաթիվ ոստիկաններ շրջափակման մեջ են դրել հազարավոր մարդկանց, որոնց դեպի նախագահական նստավայր է ուղեկցում “Ժառանգություն” կուսակցության առաջնորդ Րաֆֆի Հովհաննիսյանը, վերջինս իր համար հանգիստ զրուցելով ոստիկանապետ Վլադիմիր Գասպարյանի հետ իջել է մինչեւ Մաշտոցի պողոտայի վերջ եւ հայտարարել, որ խաղաղ երթով գնում է Ծիծեռնակաբերդ:
Թեեւ հազարավոր մարդիկ, ովքեր այսօր պաշտոնական պայմաններում կայացած նախագահական երդմնակալությունից հետո արդարություն են պահանջում դեպի նախագահական նսստավայր ուղղվելով եւ “Հայաստան ու պայքար” բացականչելով, Րաֆֆի Հովհաննիսյանը կրկին անգամ շատերին թողնում է անորոշության մեջ:
Ինչպես դեպքի վայրից հայտնում է “Մեդիալաբի” լրագրողը, Րաֆֆի Հովհաննիսյանը Վլադիմիր Գասպարյանի հետ երկար բանակցություններից հետո պտտվել եւ հայտարարել է, որ դեմ է բռնությանը եւ որ “խաղաղ երթով ” գնում է Ծիծեռնակաբերդ:
Փաստորեն, Րաֆֆի Հովհաննիսյանը հազարավոր մարդկանց թողել է Բաղրամյան պողոտայի վրա` ոստիկաններին դեմ-դիմաց եւ իր համար խաղաղ երթեր է կազմակերպում:
© Medialab.am
