«Ով ուտի, ով պատասխան տա». Խոսրովի արգելոցի «սուպեր որսագողի» բարեկամները փաստաբան են պահանջում (Տեսանյութ)

«Ով ուտի, ով պատասխան տա». Խոսրովի արգելոցի «սուպեր որսագողի» բարեկամները  փաստաբան են պահանջում (Տեսանյութ)
«Ով ուտի, ով պատասխան տա». Խոսրովի արգելոցի «սուպեր որսագողի» բարեկամները փաստաբան են պահանջում (Տեսանյութ)
Հեղինակ MediaLab

Երեկ՝ սեպտեմբերի 30-ին ոստիկանությունը հաղորդագրություն տարածեց, ըստ որի ՀՀ ոստիկանության քրեական հետախուզության գլխավոր վարչության, Արմավիրի մարզային վարչության ու Արտաշատի բաժնի ծառայողների համատեղ օպերատիվ-հետախուզական ծավալուն միջոցառումների շնորհիվ կարճ ժամանակ անց` սեպտեմբերի 29-ին «Խոսրովի անտառ» պետական արգելոցում կատարված հանցագործությունը բացահայտվեց:
Ըստ ոստիկանության տարածած հաղորդագրության որսագողը 1983 թ. ծնված, Գառնի գյուղի բնակիչ, ջրային մատակարարումների պահպանության ծառայության աշխատակից Նորիկ Սարգսյանն է:
«Խոսրովի արգելոց» քաղաքացիական նախաձեռնության մի քանի անդամներ, ոստիկանության կողմից հաղորդագրության տարածումից անմիջապես հետո՝ սեպտեմբերի 30-ի երեկոյան, կասկածներ ունենալով, որ բացահայտվել է ոչ իրական մեղավորը մեկնել ենք Գառնի և այցելել Նորիկ Սարգսյանի ընտանիքին։
Նախաձեռնության անդամների հետ զրույցում Նորայր Սարգսյանը և Նորայր Սարգսյանի ընտանիքի անդամներն ու հարազատները փաստել են, որ վերջինս ոչ մի առնչություն չունի կատարված որսագողության հետ։
«Ով ուտի, ով պատասխան տա»,-վրդովված ասում էին Սարգսյանի մայրն ու զոքանչը:

Ինչպես տեղեկացնում է «Խոսրովի արգելոց» քաղաքացիական նախաձեռնությունը, նկատի ունենալով, որ Նորիկ Սարգսյանը գտնվում էր բարոյահոգեբանական ծանր վիճակը եւ ընկճվածությունը, հրաժարվել է տեսախցիկի առաջ հարցազրույց տալ, փոխարենը խոսել են նրա մայրն ու զոքանչը:

«Նրանք ներկայացրեցին այն իրականությունը, որը մնացել է այս պատերի ներսում: Նորիկի մայրը փաստեց, որ իր տղային տարել են քնչական բաժին և նա չի ունեցել փաստաբան, այսօր առավոտյան ժամը 9.00-ին Նորիկ Սարգսյանը պետք է նորից ներկայանա քնչական բաժանմունք, բայց նա չունի փաստաբան:

Այդ իսկ պատճառով նրա հարազատները պահանջում են փաստաբանի պարտադիր ներկայություն հարցաքննության ժամանակ, հակառակ դեպքում դա կդիտվի իրավապահ մարմինների կողմից որպես օրենքի կոպիտ խախտում: Հաշվի առնելով երեկ Նորիկի ծանր բարոյահոգեբանական վիճակը, ոչ մի երաշխիք չկա, որ նրա նկատմամբ չի կիրառվի ճնշման մեթոդներ՝ կորզելով իրենց համար ցանկալի ցուցմունքներ»,-տեղեկացնում է նախաձեռնության հաղորդագրությունը:

Ըստ հաղորդագրության, այս պահի դրությամբ Նորիկ Սարգսյանը գտնվում է Արարատի մարզի քնչական բաժանմունքում և իրավապահ մարմիններից պահանջում է փաստաբանի պարտադիր առկայություն:

«Պարզից էլ պարզ էր, որ սարքել են էս տղու գլխին: Տիրապետում ենք բազմաթիվ մանրամասների,-Ֆեյսբուկ սոցիալական ցանցի իր էջում գրել է բնապահպան-ակտիվիստ Մարիամ Սուխուդյանը:

Սուխուդյանը, ով արգելոցում ստեղծված խայտառակ վիճակի մասին բարձրաձայնողերից մեկն էր, նշել է, որ Նորիկին տարել են ոստիկանություն առանց ծանուցագրի:

«Ո’չ մի փաստաբան չի եղել նրա կողքին ու հիմա նա պահանջում է փաստաբան իր ոտնահարված իրավունքները պաշտպանելու համար: Հակառակ դեպքում սա կդիտվի իրավապահ մարմինների կողմից մեղմ ասած որպես օրենքի կոպիտ խախտում,-գրել է Սուխուդյանը:

Սրիկանե’ր Ձեր ճնշումներն ու գործի թերի կարկատանը հասնելու է Եվրոդատարան: Բացահայտվելու եք թե’ դուք, խղճուկներ, եվ թե Ձեր հետևում կանգնած «բարձր պաշտոնյաները»: Հիշե’ք ձեր քռչոտ մեթոդները անցան, էլ վախի մթնոլորտում պահելով չեք կարող ՃԻՇՏԸ կոծկել: Հանրությունը կանգնելու է արդարության կողքին, պայքարելու է մինչեւ վերջ, հետամուտ է լինելու ճշմարտության բացահայտմանը: Պատժվելու են իրական մեղավորները»:

© Medialab.am

http://www.youtube.com/watch?v=Q4uirZzLxTI