Մասնակցելու՞ է Հայ Ազգային կոնգրես կուսակցությունը առաջիկա խորհրդարանական ընտրություններին: Այսօր ՀԱԿ համագումարում իր ելությում հարց հնչեցրեց ՀՀ առաջին նախագահ Լևոն Տեր-Պետրոսյանը:
Նրա այս հարցին արձագանքեց դահլիճը, մի քանի րոպե բացականչելով. «Այո, այո»:
«Ինչ վերաբերում է Կոնգրեսի` ընտրություններին մասնակցելու կամ չմասնակցելու վճռին, ապա համագումարից խնդրում եմ դրա իրավասությունը պատվիրակել նորընտիր վարչությանը։ Եթե վարչությունը որոշի մասնակցել ընտրություններին, ապա ինքնըստինքյան հասկանալի է, որ Կոնգրեսի ցուցակը գլխավորելու պարտավորությունը ջարդվելու է իմ գլխին», -հայտարարեց Տեր-Պետրոսյանը։
Այնուհետև առաջին նախագահը հավելեց.
«Մի ճշմարտություն կա՝ Կոնգրեսի ներկայությունը խորհրդարանում անհրաժեշտ է թեկուզ միայն այն պատճառով, որպեսզի համատարած կակաֆոնիայի (խառնաղմուկ) պայմաններում, ինչպես մեկ անգամ արդեն ասել եմ, ողջախոհության ճրագը մեր երկրում չմարի»: