«Ցեղակրոն» կուսակցության առաջնորդ Շանթ Հարությունյանը, ով «Երևան Կենտրոն» քրեակատարողական հիմնարկում դեկտեմբերի 24-ից հացադուլ էր հայտարարել, այսօր առավոտյան դադարեցրել է հացադուլը:
Հիշեցնենք, որ երեկ Շանթ Հարությունյանի առողջական վիճակը կտրուկ վատացել էր, և նա տեղափոխվել էր «Դատապարտյալների հիվանդանոց» քրեակատարողական հիմնարկ:
Այսօր լրագորղների հետ հանդիպման ժամանակ Շանթ Հարությունյանի փաստաբան Ինեսա Պետրոսյանը տեղեկացրեց, որ դատապարտյալների հիվանդնացում առավոտյան տեսակցել է Շանթ Հարությունյանին, նրա առողջական վիճակը շատ վատ է:
Հացադուլից դուրս գալուց հետո Շանթ Հարությունյանին դիետիկ սնունդ չեն առաջարկել, ձու է կերել, ինչից հետո ուշաթափվել է: Փաստաբանը մեկ ժամ սպասել է, մինչև բժշկական միջամտություններն ավարտվեն և տեսակցի իր պաշտպանյալին:
«Նրան անմարդկային պայմաններում են տեղափոխել, դատապարտյալների հիվանդանոցում անմարդկային պայմաններում են պահում, իրեն մեկուսացված են պահում, վատ պայմաններում, ջեռուցում չկա»,- նշեց Ինեսա Պետրոսյանը:
Չնայած սրան, Շանթ Հարությունյանը փաստաբանին խնդրել է, որ իր ազատության համար պայքարողներին փախանցի հետևյալ՝ անկոտրում եղեք, խիզախ:
Վարույթն իրականացնող քննչական խմբի ղեկավար Տոնոյանը երեկ Ինտեսա Պետրոսյանին բանավոր տեղեկացրել է, որ դատահոգաբուժական փորձաքննության համաձայն՝ Շանթ Հարությունյանը մեղսունակ է ճանաչվել:
Շանթ Հարությունյանի տեսակցությունների արգելքը դեռևս չի վերացել, փաստաբանը տեղյակ էլ չէ, թե երբ կվերանա:
Շանթ Հարությունյանը, ով նախորդ տարվա աշնանը «Ես սկսում եմ հեղափոխություն» բավանդակությամբ պաստառով նստացույց էր սկսել Ազատության հրապարակում, ձերբակալվել էր նոյեմբերի 5-ին Մաշտոցի պողոտայում տեղի ունեցած իրադարձությունների հետևանքով, երբ դեպի նախագահական նստավար երթի ժամանակ ոստիկանների և նրա կողմնակիցների միջև բախումներ էին տեղի ունեցել:
Նրա նկատմամբ քրեական գործ է հարուցվել Քրեական Օրենսգրքի 316 հոդվածքով՝ իշխանության ներկայացուցչի նկատմամբ բռնություն գործադրելը:
Այն ոստիկանը, որի նկատմամբ Շանթ Հարությունյանը բռնություն է գործադրել այդ օրը, քաղաքացիական հագուստով է եղել, հետևաբար փաստաբանի խոսքով՝ այստեղ հանցակազմի բացակայություն կա: Ինեսա Պետրոսյանը նշեց, որ Շանթ Հարությունյանը չէր կարիող իմանալ, որ քաղացիական հագուստով անձը ոստիկան է:
Հիշեցնենք, որ երեկ պատասխանելով լրագրողների հարցերին ՀՀ գլխավոր դատախազ Գեւորգ Կոստանյանը մասնավորապես նշել է, թե «ցանկացած անձ, այդ թվում Շանթ Հարությունյանը, իր կատարած արարքի համար պատասխանատվության է ենթարկվում, եթե համապատասխանաբար դատարանը ճանաչեց նրան մեղավոր այդ արարքի համար»:
ՀՀ ԱԺ ընդդիմադիր պատգամավոր Նիկոլ Փաշինյանն այս կապակցությամբ Շանթ Հարությունյանի շուրջ ծավալվող իրադարձությունները որակել է որպես քաղաքական հաշվեհարդար:
«Իսկ ինչու՞ դատախազը միտքը այսպես չի ձեւակերպում՝ ցանկացած կալանավորված անձ, այդ թվում Շանթ Հարությունյանը, պիտի ազատ արձակվի, եթե դատարանում սահմանված կարգով նրա մեղավորությունը չհաստատվի:
Այսպես ասաց «ցանկացած անձերի» հետ կապված գործերում դատախազը հղում է անում խամաճիկային դատարանի վրա, իսկ օրինակ Սյունիքի նախկին մարզպետի հետ կապված գործը կարճում է անձամբ, դատարաններին փայ չթողնելով:
Այս ֆոնին հարկ եմ համարում ընդգծել՝ Շանթ Հարությունյանի եւ նրա ընկերների նկատմամբ կիրառվող տեսակցությունների եւ նամակագրության արգելքը համարում եմ քաղաքական հաշվեհարդար:
Երեկ այցելել եմ «Երեւան-Կենտրոն» քրեակատարողական հիմնարկ: Շանթին տեսել եմ, բայց նրա հետ շփվելու հնարավորություն ինձ չի տրվել: Շանթ Հարությունյանը հյուծված էր եւ հաստատակամ»,-գրառում կատարելով նշել է Նիկոլ Փաշինյանը:
Հիշեցնենք, որ այսօր ժամը 13:00-ին, ՀՀ քաղաքացիներն ու իրավապաշտպաններն ի պաշտպանություն Շանթ Հարությունյանի և նրա ընկերների Ազատության հրապարակից նախատեսում են երթ անցկացնել:
© Medialab.am
