Փարիզում տեղի ունեցած ահաբեկչության հետեևանքով զոհվածների շարքում են ֆրանսիացի հանրահայտ ծաղրանկարիչներ՝ Կաբուն(Cabu) և Շաղբը(Charb), որոնք երկար տարիներ աշխատում էին «Charlie Hebdo» երգիծական հանդեսում:Ոստիկանը, որը տարիներ շարունակ կցված էր պաշտպանելու Շաղբին նույնպես զոհվել է: Հիշեցնենք, որ քիչ առաջ մեծ ահաբեկչություն է տեղի ունեցել Ֆրանսիայի մայրաքաղաք Փարիզում, ուր տեղակայված է հանդեսի խմբագրությունը: Առնվազն 12 մարդ է զորհվել […]
Փարիզում տեղի ունեցած ահաբեկչության հետեևանքով զոհվածների շարքում են ֆրանսիացի հանրահայտ ծաղրանկարիչներ՝ Կաբուն(Cabu) և Շաղբը(Charb), որոնք երկար տարիներ աշխատում էին «Charlie Hebdo» երգիծական հանդեսում:Ոստիկանը, որը տարիներ շարունակ կցված էր պաշտպանելու Շաղբին նույնպես զոհվել է:
Հիշեցնենք, որ քիչ առաջ մեծ ահաբեկչություն է տեղի ունեցել Ֆրանսիայի մայրաքաղաք Փարիզում, ուր տեղակայված է հանդեսի խմբագրությունը:
Առնվազն 12 մարդ է զորհվել «Շառլի Էբդո» հանդեսի գրասենյակի մոտ հնչած կրակոցներից, որի հեղինակները` դիմակավորված անձինք, ըստ վկաների բացականչել են` մենք մեր մարգարեի վրեժը լուծեցինք:
Զոհերի թվում են երկու ոստիկաններ, վիրավորների թվի մասին ներկա պահին հակասական տվյալներ կան. հաղորդվում է մինչեւ քսան վիրավորների մասին:
Արյունալի սպանդից հետո դիմակավորված անձինք սեւ մեքենայով փախուստի են դիմել: Իշխանությունները հայտարարել են, որ դիմելու են բոլոր միջոցներին հանցագործներին գտնելու ուղղությամբ. այս պահին քննարկվում է սահմանները փակելու հարցը:
Հիշեցնենք, որ պարբերականը 2012-ին Մուհամեդ մարգարեի ծաղրանկարներ էր տպագրել, ինչը մահմեդական համայնքի մողմից բուռն քննադատության եւ հակազդեցության էր արժանացել:
Դեպքից մեկ ժամ առաջ, պարբերականը Թվիթերի միկրոբլոգում հրապարկել է նոր ծաղրանկար` ԻՍԻՍ-ի ղեկավարի բարեմաղթանքը թեմայով:
© Medialab.am