Բերման ենթարկված և ձերբակալված անձանց իրավունքների մասին իրազեկում

Այս օրերին Երևանի Բաղրամյան փողոցում, ինչպես նաև Հանրապետության մյուս քաղաքներով լարված իրավիճակ է՝ հնարավոր է ոստիկանությունը կրկին փորձի ցրել խաղաղ ցույցը: Այս պատճառով ներկայացնում ենք Հելսինկյան քաղաքացիական ասամբլեայի Վանաձորյան գրասենյակի պատրաստած տեղեկատվությունը:

Հարգելի քաղաքացի, եթե հավաքի ժամանակ Ձեզ բերման են ենթարկել կամ ձերբակալել են, ապա  Դուք իրավունք ունեք՝

• Բերման ենթարկվելու կամ ձերբակալվելու պահից իմանալ Ձեզ բերման ենթարկող կամ ձերբակալող ոստիկանության աշխատակցի անունը, ազգանունը, պաշտոնը, բերման ենթարկելու կամ ձերբակալելու հիմքերը,

• Ստանալ Ձեր կարգավիճակից բխող իրավունքների մասին գրավոր ծանուցում,

• Պահանջել և ունենալ պաշտպան,

• Հրաժարվելու Ձեր կամ Ձեր մերձավոր ազգականի դեմ ցուցմունք տալուց:

• Բացատրություն կամ ցուցմունք տալ միայն Ձեր պաշտպանի ներկայության դեպքում,

• Ձեր վերաբերյալ լրացված արձանագրություններում հետևել ժամերի ճիշտ արձանագրմանը,

• Ձեր վերաբերյալ լրացված արձանագրություններում անձամբ նշելու (ֆիքսելու) տվյալ գործողությունը կատարելու հստակ ժամը,

• Ձեր նկատմամբ բարեկիրթ, արժանապատվությունը չնվաստացնող վերաբերմունքի,

• Չներկայանալ (չհայտնել անուն ազգանուն),

• Չտալ մատնահետքեր,

• Իմանալ Ձեզ հետ առնչվող ցանկացած ոստիկանության աշխատակցի անունը, ազգանունը, պաշտոնը, ազատությունից զրկելուց 4 ժամ անց ձերբակալման մասին չհայտարարվելու դեպքում, Դուք օրենքի ուժով պետք է համարվեք ձերբակալված և ունեք լռելու իրավունք, որպես վկա ներգրավված կամ կարգավիճակ չունեցող անձինք իրավունք ունեն հրաժարվել բժշկական հետազոտությունների ենթարկվելուց

Աղբյուրը` electricyerevan.info