ՀՀ Ազգային անվտանգության ծառայությունը հայտարարում է, որ սույն թվականի հուլիսի 30-ին և 31-ին ՀՀ Ոստիկանության պարեկապահակային ծառայության (ՊՊԾ) գնդի տարածքի ազատագրմանն ուղղված հակաահաբեկչական օպերացիան ավարտվել է:
ՀՀ իրավասու իրավապահ մարմինների հատուկ նշանակության ստորաբաժանումներն իրենց հետևողական և համաձայնեցված գործողություններով ստիպել են զինված խմբի անդամներին վայր դնել զենքը և հանձնվել իշխանություններին:
«Ձերբակալվել է 20 ահաբեկիչ,-նշված է հաղորդագրության մեջ՝ կրկին անգամ վերադառնալով «ահաբեկիչ» բառին, որը վերջին օրերին իշխանությունները խուսափում էին կիրառել -ՊՊԾ գնդի տարածքն ամբողջությամբ ազատագրված է»:
