51 մլն. եվրո աջակցություն ԵՄ-ից Հայաստանին՝ կորոնավիրուսային համավարակի դեմ միասին պայքարելու նպատակով

Հեղինակ MediaLab

Եվրոպական միությունը 51 մլն. եվրո աջակցություն կտրամադրի Հայաստանին՝ կորոնավիրուսային համավարակի դեմ միասին պայքարելու նպատակով: Այս մասին տեղեկացնում է ԵՄ հաղորդագրությունը, որը ներկայացնում ենք ստորեւ:

«Եվրոպական միությունը կանգնած է Հայաստանի կողքին:

51 մլն. եվրո աջակցություն Հայաստանին՝ կորոնավիրուսային համավարակի դեմ միասին պայքարելու նպատակով։

Այն ներառում է մասնավորապես՝ 18 մլն. եվրո նոր ֆոնդեր և ընթացիկ ֆոնդերից 33 մլն. եվրո վերաբաշխում՝ բժշկական սարքավորումների մատակարարման, բժշկական և լաբորատորիաների անձնակազմի համար դասընթացների կազմակերպման, ՓՄՁ-ներին և բիզնես հանրությանը ցուցաբերվող աջակցության, ինչպես նաև կորոնավիրուսային վարակի բռնկման հետևանքով տուժած անձանց սոցիալական և հումանիտար օգնության տրամադրման նպատակով:

Ավելին կհատկացվի տարածաշրջանային կարևոր բանկային գործիքների և ծրագրերի հետագա վերաբաշխման միջոցով»։