Հայաստանը երգի միջազգային մրցույթում ներկայացնող «Մի՛ ժխտիր» (Don’t Deny) երգի հոլովակն արդեն պատրաստ է: Այսօր երեկոյան հանրային հեռուստատեսությամբ հրապարակվեց Genealogy խմբի վեցերորդ անդամի անունը, որից հետո տեղի ունեցավ երգի պրեմիերան:
Այս տարի «Եվրատեսիլ-2015»-ին Հայաստանը ներկայանում է խորհրդանշական խմբով:
Խմբի վերցերորդ անդամը ՀՀ վաստակավոր երգչուհի Ինգա Արշակյանն է, մյուս հինգ անդամները երկրագնդի հինգ աշխարհամասերի ներկայացուցիչներ, հայկական արմատներով երաժիշտներ Եսայի Ալթունյանը, Թամար Կապրելյանը, Վահե Թիլբյանը, Ստեֆանի Թոփալյանն ու Մերի-Ջին Օ’Դոհերթի Վասմաթզյանը:
Don’t Deny երգի կոմպոզիտորը Արմեն Մարտիրոսյանն է, խոսքերի հեղինակը՝ Իննա Մկրտչյանը:
Հիշեցնենք, որ վեց տասնամյակ պատմություն ունեցող «Եվրատեսիլ» երգի միջազգային մրցույթին Հայաստանը մասնակցել է 8 անգամ:
Մինչ այժմ Հայաստանը ներկայացրած Եվա Ռիվասը զբաղեցրել է 7-րդ, երգիչներ Անդրեն եւ Հայկոն 8-րդ, Ինգա եւ Անուշ Արշակյան քույրերը` 10-րդ տեղը, իսկ անցյալ տարի Շվեդիայի Մամլո քաղաք մեկնած «Դորիանս»-ը «Եվրատեսիլ-2013»-ում գրավեց 18-րդ տեղը:
Լավագույն արդյունքն առ այսօր Սիրուշոյի եւ անցյալ տարի Արամ MP3-ի 4-րդ հորիզոնականն էր:
Հիշեցնենք, որ 2011-ին, Գերմանիայի Դյուսելդորֆ քաղաքում կայացած «Եվրատեսիլ» երգի ամենամյա մրցույթում Հայաստանը ներկայացնող երգչուհի Էմմիին չի հաջողվել նվաճել եզրափակիչ փուլին մասնակցելու իրավունք:
Իսկ 2012-ին, Հայաստանը հրաժարվել էր մասնակցել մրցույթին, քանի որ անց էր կացվում Բաքվում:
Այս տարի «Եվրատեսիլ-2015» տեղի կունան Ավստրայում:
© Medialab.am
